 |
| الشاعر راسم الخطاط |
عاجبني ارسمك شمع
جي كلك انت ضوه
عاجبني ارسمك شمع
بس انت من تشتعل أكره أشوف الدمع
طالب ترك مدرسه
بلكن يعيّش هله
شبعن جفوفه بجي وماعرف شنهو الشبع
بس راح ارسمك ورد
جي خطوتك من عطر
السبوره كلش علت
والطفل عايز شبر
الطبشور كّبله بجه جي أخذ هوَّ صفر
حاير شرسمك بعد
ونت ارسمتني عُمر
ارجف قميصي انمزكَ
بس اجوي كَلبي جمر
مركب سنيني ورق
وبروحي ارسمك نهر
حتى اغركَ بخطوتك
ونت بحياتي سفر
****************
قريتك وآني طفل
من كَبل ميطب حسن للمدرسه وي ريم
ومن جان عدنه العشك
ياعمي مو تحريم
اي من كَبل من كَبل
من زمن دار ودور
من جان عدنه وطن والوطن مامهجور
من جانت أمي تخبز وتنورهه من طين
ومن جان جعب الشهر يزود عدهه طحين
كَلي شأرسمك بعد؟؟؟
وانت انزلت بالنفس
وصعدت بيه من صعد
ليست هناك تعليقات:
إرسال تعليق